طبعا مينفعش يعدي عليا اليوم دا ومكتبش فمكنتي ………… دا بيتي الاول
واليوم يوم مش عادي……………………………. دا يوم دخولي الخدمه الوطنيه الجيش يعني من الاخر ……………… واللى مش عادي فكدا بقي اني فعلا مش مصدق اني داخل الجيش وهلبس المموه بتاع مصر ……………………. اخييييييييييرا هيتقلي يا دفعععععععععه …………….. ياااااااااااااه يا جدعان
طبعا انا محصليش نوبه ذهول مرضي ولا حاجه بس فعلا الموضوع مشوق ……….. انا افتكرت ايام زمان لما كنت بشوف العساكر وهما بيتمشوا من تحت عمارتنا وخصوصا اني كنت ساكن فمنطقه تحيطها معسكرات ووحدات دفاع جوي وكنت لما بشوف واحد لابس الزي دا كنت بقوله يا دفعه وانا مش فاهم معاناها وكنت بحس انها كلمه مهينه لاني جردته من اسمه اللى معرفوش ……… بمرور الوقت بدأت افهم ان دا لقب المجند بياخده اول ما يدخل الجيش وبمرور الوقت برده ابتديت اعرف انه لا لقب ولا نيله وانه مجرد عرف جري بين المدنيين انهم لما يشوفوا واحد من الجيش يقولوله يا دفعه …………. وان اللقب المرادف ليه جوا الجيش هوا لقب مجند …. يعني عادي زي الناس منجد
المهم اني ويالا سخريه القدر وبعد هذه السنوات الطوااااااااااااااال
ادخل دفاع جوي ومش بعيد اني اروح نفس الوحده اللى كانت جنب بيتنا والعيال الصغيرين اللى هناك يقولولي يا دفعه …………. ههههههههههههههههههه
هيا دي بقي اللى بيسموها سخريه القدر يا جدعااااااااااان 😀
الحمد لله انا هيتم ترحيلي فجر الثلاثاء الثامن عشر من يناير للعام الحادي عشر بعد الالفيه الثانيه من ميلاد السيد المسيح عليه السلام
الله اعلم ايه اللى هيحصل فالمستقبل بس كل اللى انا حاسس بيه دلوقتي اني فقمه اللخبطه والتوتر والارتباك
انا كتبت دا فقط لكي اتذكر ما انا فيه ………….. اراكم علي خير بعد مركز التدريب ان شاء الله
افوتكم بعافيه
فيلسوف 